Comunicado sobre a paralizaçom da LOMQE polo Congresso

Desde Erguer. Estudantes da Galiza mostramosa nossa desconformidade com a tramitaçom  parcial da paralizaçom da LOMQE no Congresso dos Deputados, quedando pendente de posterior ratificaçom. Consideramos este primeiro avance como insuficiente para umha lei que ignorou, desde a sua imposiçom por parte do PP, ao conjunto da comunidade educativa que segue a pular pola sua imediata derrogaçom.

 

Neste falso avance da  democracia e perda de qualidade continuam os ataques ao ensino, ditados tanto  pola Uniom Europeia como polo estado espanhol, que nos apresenta a imposiçom dumha nova reforma educativa, o Decreto 3+2. Este  decreto  foi aprovado polo Conselho de Ministros do Governo do Partido Popular em 2015, e forma parte da Estratégia Universitária 2020, um novo plam que procura a mercantilizaçom da universidade pública, conduzindo-nos a um ensino cada vez mais precário e elitizador. A LOMQE vem a completar no Ensino Meio esta serie de reformas que caminham cara à privatizaçom da ensinanza.Por isto, entendemos a esta paralizaçom como umha medida para a galeria, que nom implica a derrogaçom nem da LOMQE nem do Decreto 3+2.

 

Contra a privatizaçom do ensino animamos a todo o estudantado galego e ao conjunto da comunidade educativa a baleirar as aulas para sair massivamente às ruas o vindeiro 13 de abril. Ponhamos fim às imposiçons espanholas e europeias!

 

Luitemos por um ensino público, popular, galego, científico, democrático e antipatriarcal!

COMPARTIR/PARTILHARShare on facebook
Facebook
Share on twitter
Twitter
Share on google
Google

Aínda non hai comentarios

Por que non ser o primeiro

Deixe um comentário

O seu endereço de email não será publicado.