Este 17 de maio dámos-lle à língua!

Este 17 de maio as estudantes galegas saímos de novo às ruas para defender o nosso direito a vivermos no nosso idioma, na manifestaçom convocada pola plataforma Queremos Galego, da que Erguer forma parte.

Sendo nós, a mocidade, a garante de que o galego siga vivo no futuro, a realidade é que a nossa língua perde cada vez mais falantes entre a gente nova. A sua liquidaçom no ensino público supom um agravio mais, já que perde terreo num ámbito fundamental das nossas vidas.
Desde Erguer queremos reverter esta situaçom demostrando que falamos umha língua extensa e útil que tem que ter presença em todos os ámbitos das nossas vidas.
A reduçom de horas do galego no ensino, que conta na Secundaria com 10 horas menos como língua veicular com o espanhol e cumha presença de tam só 20% na universidade, é um ataque brutal aos nossos direitos lingüísticos e ao suposto compromisso com a normalizaçom do idioma. Precisamos aprender e formar-nos em galego e depois poder exercer a nossa actividade profissional em galego; precisamos que a nossa língua tenha abertas as portas de todos os ámbitos de uso para podermos viver nela.
Com as amizades, com a família, na rua, nas aulas… hoje, coma os 365 dias do ano, dámos-lle à língua!

COMPARTIR/PARTILHARShare on facebook
Facebook
Share on twitter
Twitter
Share on google
Google

Aínda non hai comentarios

Por que non ser o primeiro

Deixe um comentário

O seu endereço de email não será publicado.