Galiza orgulhosa e diversa!
O 28 de junho comemora-se o aniversario dos disturbios de Stonewall, um acontecimento que marcou um antes e um depois na visibilidade do coletivo LGTBI e na luita como medio para conquistar os nossos direitos. Porém, na atualidade, as pessoas pertencentes a este coletivo continuam a ser discriminadas no marco legal e social e sucedem-se as agressons lgtbifobas. É este pois um dia mais para erguernos com orgulho e reivindicar um ensino diferente numha sociedade livre e diversa.
No contexto atual de recortes de liberdades e direitos e no que se estendem com impunidade os dicursos lgtbifobos da direita, é preciso luitarmos com força contra as políticas retrógadas do Partido Popular, que afectam também ao nosso ensino. Rejeitamos a LOMQE e pulamos por um sistema educativo diferente, que nom invisibilice nem discrimine aquilo que se aparta da heteronorma.
É necessário incluír a diversidade sexual e de identidade de gênero nos programas escolares, assim como formar o pessoal educativo ao respeito. Precisamos umha educaçom que combata a lgtbifobia desde as idades mais temperás e que conte com médios e protocolos contra o acoso.
Outra das necessidades do nosso ensino é umha educaçom afectivo sexual que forme em igualdade, na liberdade e no respeito às demais. Umha educaçom livre de esteorotipos e que ofereça mais possibilidades além da heterosexualidade.
No sistema universitario também queda muito por trabalhar. As manifestaçons lgtbifobas nom passam desapercibidas e nom podemos permitir que individuos coma Domingo Neira exerçam como docentes nos centros do nosso pais. Exigimos que as Universidades sancionem qualquer comportamento que fomente o odio, tanto por parte do estudantado como do professorado.
O ensino é a melhor vía para combater estas atitudes, luitamos por um sitema educativo diferente para construír entre todas a Galiza orgulhosa e diversa!
Aínda non hai comentarios
Por que non ser o primeiro