En defensa da universidade pública e de calidade 

Non á Universidade privada na Galiza!

O Goberno da Xunta continúa coas súas políticas de privatización e elitización do ensino, promovendo unha universidade privada no noso país. O proxecto da “Universidad Interconental de la Empresa” impulsado por Abanca é a culminación do proceso de mercantilización e desmantelamento da Universidade pública que vivimos nos últimos anos. 

Está previsto que esta universidade inicie a súa actividade no curso 2020-2021, ofrecendo estudos relacionados coas ramas de Ciencias Sociais e Xurídicas e Enxeñería e Arquitectura. Esta entidade entrará en competencia coa universidade pública galega, ofrecendo titulacións unicamente a quen poida pagar por elas e inseridas por completo no pensamento neoliberal.

Fronte este modelo elitista e ao servizo das grandes empresas, dende Erguer reivindicamos unha Universidade accesíbel para todas. Demandamos un ensino adaptado á nosa realidade e que dea resposta ás necesidades da sociedade galega. A Universidade debe entenderse como centro de saber, de expansión do pensamento crítico, e portadora dunha función de contribución ao progreso social e non como unha ferramenta do modelo capitalista.
Por todo isto, chamamos a participar nas mobilizacións convocadas o vindeiro 11 de febreiro ás 11hen todos os campus pola Plataforma Galega en Defensa da Universidade Pública.

COMPARTIR/PARTILHARShare on facebook
Facebook
Share on twitter
Twitter
Share on google
Google

Aínda non hai comentarios

Por que non ser a primeira

Deixa unha resposta

O teu enderezo electrónico non se publicará