Greenwashing. Sabes o que é?

Mercas umha garrafa de CocaCola, e a tapinha, moi amavelmente, reza “Por favor recíclame”.
Mentres, tudo o embotelhado é plastificado, a sua produçom é hipercontaminadora e as
trabalhadoras som explotadas.
Isso é Greenwashing.
McDolar queima o Amazonas para obter mais campo de pastoreo para meter o seu gando, gando
que assassinará para hamburguesas. Eh, pero tranqui, as bolsas som de papel reciclado. Nom te fixes
na estudante explotada que cha serve.
Isso é Greenwashing.
“Hoje, oferta de soia texturizada e quinoa. Superalimentos e ecológicos” –di o anuncio. Umha soia
produzida por Monsanto, a maior empresa agroquímica que mata à Natureza cas suas sementes e os
seus herbicidas, a maior empresa destrutora da agricultura sustentável do povo Latinoamericano.
Umha quinoa que deixa na ruína às pequenas e locais agricultoras peruanas que levam 4000 anos
cultivando-a, porque as grandes empresas monopolizam mercado, esnaquizando o médio para
satisfazer a demanda capitalista.
Isso é Greenwashing.
E que nom é Greenwashing?
A tenda local, a tradicional, com produto da Nossa Terra. A ecológica de verdade. A que trae o
produto do dia. A que nom che dá bolsa de plástico, porque já levas ti de tea. A que as suas
trabalhadoras nom som explotadas.
A pessoa que, se pode, inda que custe, vai a pé ou em bici, porque nom lhe vém em ganha apanhar o
autocarro. A que apaga a luz. A que em vez de luzes LED, prefere os lucecús. A que leva a sua garrafa
de reuso. A que se nega a que Ence lhe meta eucaliptos no seu terreo. A que decide plantar unha
horta. A pessoa que le, se documenta, e se forma. A pessoa que se organiza e briga.
Isso NOM é Greenwashing. Isso é ecologismo, ecologismo de classe. A única soluçom. O único
futuro.
Camarada, que o capitalismo nom te engane! Une-te a nossa luita porque…
JUNTAS,
STOP GREENWASHING!

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser a primeira

Deixa unha resposta

O teu enderezo electrónico non se publicará Os campos obrigatorios están marcados con *