María Victoria Moreno será homenageada no Dia das Letras Galegas

María Victoria Moreno, professora de ensino médio e escritora de literatura infantil e juvenil, será a autora homenageada no Dia das Letras Galegas do ano 2018.

Desde a Assembleia Nacional de Açom Feminista de Erguer. Estudantes da Galiza vimos reivindicando por dous anos consecutivos o Dia das Letras Silenciadas no 17 de maio. Mediante o mesmo, denunciavamos que em 54 anos de comemoraçom do Dia das Letras Galegas, só tres mulheres foram escolhidas pola RAG para serem homenageadas, frente a 51 homens.

É este mais um âmbito no que as mulheres estamos invisibilizadas e esquecidas, no que os nossos méritos contam menos polo feito de sermos mulheres e no que fomos borradas da história.

Este ano, co nosso Dia das Letras Silenciadas, ademais de despregarmos umha faixa e dar leitura a fragmentos escritos por diversas autoras galegas antes da manifestaçom do 17 de maio, sacamos adiante a iniciativa #AMimNomSeMeHomenageia. Com ela, enchemos as ruas de Compostela destes textos, e reclamavamos um Dia das Letras Galegas 2018 dedicado a umha autora mulher.

Celebramos que María Victoria Moreno seja a autora homenageada o próximo ano, e aguardamos que nom fique numha anedota e que continuemos a pôr em valor o papel das nossas autoras na literatura galega e na história do nosso País.

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser a primeira

Deixa unha resposta

O teu enderezo electrónico non se publicará Os campos obrigatorios están marcados con *