Nom ao cese da ESO no CPI da Ribeira de Porrinho

Desde Erguer vimos de conhecer a notícia do cese do impartimento da ESO no CPI da Ribeira de Porrinho por parte da Conselharía de Educaçom. Esta decissom vai na mesma linha de nom ter em conta a situaçom vivida no dia a dia dos centros de ensino e guiar-se apenas por cifras em papel e nom pola realidade das aulas, e é que as estudantes e a ANPA asseguram que o traslado da ESO ao IES Ribeira do Louro derivará num colapso das aulas e do centro, assim como da perda de parte do professorado nom permanente. Perante isto, tanto professorado e estudantado como as ANPAs realizam umha recolhida de assinaturas e convocam para esta quinta 22 de junho às 20:30 umha mobilizaçom que partirá da Avenida Bos Aires. Erguer entende que o ensino deve ser de qualidade, com praças suficientes e pensado para as classes populares, atendendo às particularidades de cada localidade e à escolarizaçom do alunado na entorna mais próxima possível, polo tanto participaremos desta mobilizaçom e animamos a apoia-la.

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser a primeira

Deixa unha resposta

O teu enderezo electrónico non se publicará Os campos obrigatorios están marcados con *