A Ría é nossa e nom da celulosa

Este sábado 3 de junho, as estudantes nacionalistas e independentistas voltaremos estar presentes na Marcha contra celulosas convocada pola Asociación Pola Defensa da Ría, que sae às 19:30 das Alamedas de Ponte Vedra e Marín cara ao complexo de ENCE-ELNOSA.
Quando em janeiro do passado ano o governo en funçons do Partido Popular concedía a ENCE umha prórroga na sua permanencia na Ría de Ponte Vedra por outros 60 anos, liquidaba as opçons de supervivencia da nossa Ría. Desde Erguer. Estudantes da Galiza cremos num outro modelo de país, sustentável e respetuoso com a biodiversidade tanto das nossas Rías coma dos nossos montes, que nom podemos permitir que sigam a converter-se em monocultivos de eucalipto.
A realidade é que desde que a fábrica começou a funcionar, no franquismo, se destruírom mais postos de trabalho dos que se criarom, por todos os que liquidou em setores coma a pesca, o marisqueo ou o turismo. ENCE-ELNOSA leva anos prometendo a diminuçom do seu impacto ambiental, das suas verteduras, cheiros e emisons à atmosfera sem cumpri-lo; porém, isto pouco importa aos governos do Partido Popular, que seguem a facer negocio recolocando cargos públicos no Conselho de Administraçom da empresa.
É por isto que as estudantes organizadas em Erguer estaremos este sábado em Ponte Vedra com todas as galegas decididas a luitar por um futuro sustentável e de emprego digno e respetuoso com o medio ambiente e coa nossa saúde. A Ría é nossa e nom da celulosa!

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser o primeiro

Deixe uma resposta

O seu endereço de email não será publicado. Campos obrigatórios marcados com *