Dá-lhe à língua

Por um ensino em galego, tinge a tua língua de azul!

Com a LOMQE, o estudantado da ESO tem 31 horas de aulas em espanhol face a 18 em galego se cursa ensinanças aplicadas, e 21 se cursa ensinanças académicas. Portanto, na ESO recebemos entre 10 e 13 horas de docência menos em galego que em castelhano, o qual é umha agressom brutal à nossa língua por parte do governo do Estado e da submissa Junta da Galiza. O Decreto de Plurilinguismo foi desenhado de modo que a introduçom do inglês fosse sempre em prejuízo do galego, e mesmo marcava a obrigatoriedade de dar as matérias técnicas em castelhano. Com a LOMCE limita-se mais umha vez a presença da nossa língua no ensino.

Na Universidade, só umha de cada 5 horas dos nossos graus som dadas em galego, o que representa umha presença da nossa língua nas aulas mísera. Nos mestrados, as horas de docência em espanhol também superam às de galego. Em algumhas titulaçons o galego está inclusive ausente por completo, e as matérias dam-se inteiramente em castelhano. Ademais, a miúdo se vulnera o nosso direito a examinar-nos em galego.

É inadmissível que se nos negue o direito a estudar na nossa língua. A normalizaçom do idioma nom pode ser efectiva se perde cada vez mais terreno nas aulas, e portanto entre a mocidade.

Exige um ensino em galego, dá-lhe à língua!

COMPARTIR/PARTILHARShare on Facebook
Facebook
Tweet about this on Twitter
Twitter

Un comentario

Deixa unha resposta

O teu enderezo electrónico non se publicará Os campos obrigatorios están marcados con *