Erguer apoia a marcha contra Celuloses

Erguer fai um chamamento ao estudantado, e ao povo trabalhador galego em geral, à participaçom na marcha contra Celuloses que terá lugar neste deste domingo, 16 de junho. Convocada pola APDR (Asociación pola Defensa da Ría), a manifestaçom sairá às 12:00 das Alamedas de Ponte Vedra e de Marim.

Ao igual que fai um ano, exigimos-lhe ao PSOE que cumpra a sua palavra e anule a prorrogaçom de 60 anos concedida polo PP em 2016. Mais umha promessa descumprida por esse partido antiobreiro e antigalego que segue, após quatro anos cumha maioria parlamentar que permite fazê-lo, sem derrogar a Lomce, a lei mordaça ou a reforma laboral.

Denunciamos, também, o papel desse sindicato amarelo chamado “Comisiones Obreras” no conflito: mais umha vez, do lado da patronal e contra a classe operária galega. Porque nom, a presença de ENCE na ria de Ponte Vedra nom é um “motor” para a economia da comarca, senom o contrário: impede a exploraçom racional da ria e do monte.

Por último, nom podemos rematar este comunicado sem recordar a que talvez seja a mais nefasta consequência de ENCE para o país: a eucaliptizaçom, e, derivada desta, os lumes que todos os anos golpeam a Galiza.

Celuloses fora da ria!
ENCE fora da Galiza!

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser o primeiro

Deixe uma resposta

O seu endereço de email não será publicado. Campos obrigatórios marcados com *