Informaçom sobre as becas MECD

Ontem publicou-se no BOE a convocatória de becas de carácter geral para estudos pós-obrigatórios do Ministério de Educaçom, Cultura e Deporto para o curso académico 2016-2017.

Para optar a elas deves de estar cursando o Bacharelato, umha Formaçom Profissional, umha carreira universitária, qualquer curso de preparaçom para acesso à universidade ou à FP, um mestrado, estudos de idiomas na EOI ou qualquer tipo de ensinança superior do tipo artístico, desportivo, etc. Lembra que os doutorados e os estudos de especializaçom nom estám incluídos no acesso a estas Bolsas. O prazo para solicitar a beca estende-se até o 3 de outubro para estudantes nom universitárias e até o 17 de outubro para as universitárias, podendo cumprimentar a solicitude através do formulário que podes encontrar no apartado de “Trâmites e Serviços” da sede electrónica do Ministério de Educaçom (https://sede.educacion.gob.es). Poderás comprovar na mesma ligaçom o estado de tramitaçom da solicitude.

As becas podem ser de quantia variável (produto da ponderaçom da nota média da estudante e da sua renda familiar, com importe mínimo de 60 euros) ou fixa, para a que existiriam diversas opçons:

  1. Beca de matrícula para universitárias: cobre o importe dos créditos nos que te tenhas matriculado para este curso.
  2. Ligada à renda –tanto para universitárias como para nom universitárias-: 1 500 euros.
  3. Ligada à residência da estudante durante o curso –para universitárias e nom universitárias-: 1 500 euros.
  4. Beca básica para nom universitárias: 200 euros.

O teu limiar de renda, o número de membros da tua família, a tua necessidade de deslocamento por motivo de estudos, a tua situaçom familiar e a tua nota média som alguns dos factores que determinam a que tipo de becas podes optar e qual será a quantia das mesmas que poidas perceber. Se precisas consultar tais datos, podes encontrá-los no Real Decreto 293/2016, de 15 de julho, polo que se estabelecem os limiares de renda e património familiar e as quantias das becas e ajudas ao estudo para o curso 2016-2017 (https://www.boe.es/diario_boe/txt.php?id=BOE-A-2016-6846).

Para qualquer dúvida ou problema que tenhas, nom duvides em contactar connosco através do nosso correio electrónico (nacional@erguer.gal) ou redes sociais e ajudaremos-te no que seja preciso.

COMPARTIR/PARTILHARShare on Facebook
Facebook
Tweet about this on Twitter
Twitter

2 Comentarios

Deixa una resposta a RichardRax Cancelar a resposta

O teu enderezo electrónico non se publicará Os campos obrigatorios están marcados con *