Precariedade estudantil nas bibliotecas de Vigo

Ano trás ano, as estudantes da Universidade de Vigo enfrentamo-nos ao mesmo problema quando chegam os exames: nom temos um sítio ajeitado para estudar.

A biblioteca de Torrecedeira nom tem espaço suficiente para o estudantado durante o período de exames. Tampouco conta com um horário de abertura acorde com as necessidades reais das estudantes com exames. Além disto, existe umha carência de bibliotecas públicas na cidade de Vigo que chega a níveis alarmantes, cousa que noutras cidades do país nom ocorre.

As bibliotecas públicas acumulam-se no campus de Lagoas-Marcosende, polo tanto só se pode chegar a elas num limitado horário e contando com mui poucas vagas de transporte urbano.

Por tanto, desde Erguer. Estudantes da Galiza exigimos que a biblioteca de Torrecedeira seja ajeitada à realidade do estudantado de Vigo. Para endossarmos esta demanda figemos umha campanha de recolhida de assinaturas que, posteriormente, apresentamos na reitoria. Mais de trezentas estudantes apoiárom esta iniciativa.

Com esta demanda exigimos a abertura 24 horas ao dia em época de exames e a adequaçom de mais aulas para aumentar o número de vagas da biblioteca de Torrecedeira. Aguardamos que as pessoas responsáveis entrem em razóm e atendam as demandas do estudantado.

Por umha educaçom pública de qualidade!

COMPARTIR/PARTILHARShare on facebook
Facebook
Share on twitter
Twitter
Share on google
Google

Aínda non hai comentarios

Por que non ser o primeiro

Deixe um comentário

O seu endereço de email não será publicado.