No día de onte, 30 de setembro de 2025, foron convocados paros laborais para o día 15 en toda a nación pola defensa do pobo palestino e a fin do xenocidio. As estudantes de Galiza debemos de dar un paso á fronte e responder tamén a este chamamendo da sociedade pola defensa de Palestina. Dende Erguer.Estudantes da Galiza, como organización do estudantado galego, internacionalista e anti-imperialista, asumimos a nosa responsabilidade e dispomos as nosas forzas a organizar e estender esta convocatoria ao estudantado galego.
Así pois, anunciamos a convocatoria de paros académicos para o mesmo día 15 de outubro a nivel nacional. Nos vindeiros días continuaremos difundindo esta convocatoria, informando sobre o seu desenvolvemento e organizando ditos paros académicos.
Viva a resistencia Palestina, viva a loita internacionalista, abaixo co imperialismo!
Do río ao mar, Palestina vencerá!
Galiza con Palestina!
Máis información sobre os paros será subida ás nosas redes sociais nos vindeiros días.
