Fora machistas da universidade! Fora Luciano!

No passado mês de fevereiro conhecemos o caso do professor Luciano Méndez, quem durante repetidas ocasions cuspiu comentários machistas contra umha aluna polo feito de levar escote. Seis meses depois dos acontecimentos a USC estabeleceu no dia de ontem umha sançom de suspensom de soldo e emprego por tam só dous meses. 

Se já a própria atitude seria para umha sançom muito maior, o professor emitiria um comunicado no que se recolhe o seguinte: “A testosterona é umha hormona complicada, pode ser unha aliada que estimule e motive e pode ser também o pior dos inimigos, que faga o varom vulnerável e débil. Controlá-la, manejá-la em benefício próprio é labor de toda umha vida.

Com estas palavras, pretendia o professor Luciano eximir-se de toda responsabilidade, comentários que de ser escutados sem conhecer o contexto da situaçom poderiam associar-se sem problemas aos dum violador. 

A principal funçom dum professor é ser um exemplo a seguir, umha fonte de conhecimentos para aquelas que vam receber formaçom às suas aulas, e como vemos, a atitude de Luciano dista muito de cumprir tal funçom. Nom podemos permitir que nos centros educativos do nosso país exerçam como docentes indivíduos deste calado. Pessoas que como homens consideram que podem dizer o que lhe venha em gana, vexando e menosprezando as alunas. 

Desde Erguer. Estudantes da Galiza rejeitamos a sançom imposta ao professor Luciano Méndez e exigimos que seja expulsado da Universidade de Compostela a efeitos imediatos. Se aspiramos a ter umha sociedade onde o patriarcado esteja erradicado nom podemos permitir nem a menor atitude machista nas aulas do país.

ANTE O ATAQUE DO MACHISTA, RESPOSTA FEMINISTA!

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser o primeiro

Deixe uma resposta

O seu endereço de email não será publicado. Campos obrigatórios marcados com *