Laureano Oubiña e SFL fora da USC!
Erguer manifesta a sua total oposiçom à presença de Laureano Oubiña na USC, que nom pode ser tolerada. A organizaçom liberal SFL (Students for Liberty) organizara umha “entrevista-colóquio” co (ex)narcotraficante, que teria lugar esta quinta-feira, 4 de outubro, na Faculdade de Direito, se bem finalmente foi cancelada por “problemas alheios” a SFL.
É inegável que o narcotráfico é um aliado do Estado espanhol e, polo tanto, do sistema capitalista. Esta “indústria”, controlada polo Estado, seda à mocidade, anulando a sua combatividade, e destroça milhares de famílias. Sem ir mais longe, o próprio Oubiña —que se tem gabado de financiar ao PP— reconhecia numha recente entrevista que “sem a colaboraçom das Forças e Corpos de Segurança do Estado, nom se poderia ter feito o que se fez”.
Enquanto a SFL, o liberalismo é umha ideologia —é dizer, umha representaçom dos interesses dumha classe social— que concebe o Estado como um instrumento ao serviço do interesse privado. É dizer, defendem a perpetuaçom da opressom que padecemos as estudantes filhas da classe operária por parte do capitalismo. Neste senso, lembramos que um dos principais motivos polos que a mocidade, e o povo em geral, consome drogas, é evadir-se da realidade à que nos condena o capitalismo.
Tanto o narcotráfico como o liberalismo som inimigos do estudantado galego, e em Erguer trabalharemos incansávelmente por desterrá-los da universidade. Nem Oubiña nem grupos como SFL têm cabida nas nossas aulas.
Aínda non hai comentarios
Por que non ser o primeiro