Valoraçom da folga do 24N

Erguer. Estudantes da Galiza valora mui positivamente o éxito acadado na greve estudantil desta quinta-feira 24 de novembro, que tivo un 90% de seguimento nos centros de ensino médio e umha grande participaçom do estudantado nas dezassete mobilizaçons convocadas por Erguer em distintas cidades e vilas do país, nas que saírom à rua perto de 4000 estudantes.

A responsável de organizaçom de Erguer, Iria Figueroa, afirmava que a luita contra a LOMQE nom remataria com esta mobilizaçom: “o ensino médio seguirá em luita até que consigamos a derrogaçom da LOMQE, nom nos valem as mensagens confusas que atira Rajoy à sociedade dando a entender que nom haverá mais reválidas, enquanto legisla em sentido contrário, marcando quando começarám a ter valor académico. Nom pararemos aqui e seguiremos em constante luita até que consigamos tombar esta lei que atenta contra o ensino público galego. Conseguimos importantes avanços através da mobilizaçom e da auto-organizaçom do estudantado e cremos que seguir nesta linha será o que nos leve a acadar a definitiva derrogaçom da LOMQE, para assim começar a caminhar cara a construçom dum ensino público desenhado por e para o nosso país, no que a comunidade educativa galega tenha voz”.

COMPARTIR/PARTILHARShare on Facebook
Facebook
Tweet about this on Twitter
Twitter

Aínda non hai comentarios

Por que non ser o primeiro

Deixe uma resposta

O seu endereço de email não será publicado. Campos obrigatórios marcados com *