9 de março Greve Estudantil
Trás o sucesso da greve estudantil do passado 16 de fevereiro, as estudantes galegas devemos sair de novo às ruas, somando-nos à greve geral no ensino e reclamando um ensino público ao serviço dos interesses e necessidades do nosso país. Mobiliza-te com Erguer!
Nom podemos renunciar à mobilizaçom enquanto a LOMQE siga vigente, as reválidas adiadas e o Decreto do 3+2 em caminho de começar a ser aplicado. Enquanto continuem o desmantelamento e os recortes no ensino público ao tempo que se subvenciona o privado, cada vez mais potenciado malia estar fora do alcance da maioria de estudantes, seguiremos saindo às ruas para reclamarmos um ensino acessível para todas.
Também nom podemos aceitar que a LOMCE seja substituída por um pacto de educaçom entre as forças políticas estatais que, de novo, se realize de costas à comunidade educativa galega e à realidade diferenciada do nosso ensino. Um pacto que perpetue os princípios de privatizaçom, confesionalidade e espanholizaçom da educaçom é totalmente inaceitável. Precisamos umha lei galega de educaçom que dê plenas competências à Junta e que se fundamente na base da construçom de um ensino pedagógico e que pule pela igualdade de oportunidades e a avaliaçom contínua.
As estudantes queremos ter voz na construçom do ensino galego para assim rejeitarmos aquelas medidas impopulares que se aplicam em contra dos nossos interesses, como o Decreto do 3+2, que supõe um encarecemento enorme dos estudos universitários, impedindo que muitas estudantes possam permitir-se aceder a eles.
É por isto e muitos mais motivos que te animamos a somar-te a Erguer nas ruas este 9 de março, junto com o resto da comunidade educativa galega, nas seguintes mobilizaçõns:
MANIFESTAÇÕNS Às 11:30 EM:
A Corunha – Praça de Vigo
Compostela – Alameda
Ferrol – Edifício da Junta
Lugo – Praça do Seminário
Ourense – Subdelegaçom do Governo
Ponte Vedra – Praça da Peregrina
Ribeira – IES Nº1
Vigo – Praça América
Aínda non hai comentarios
Por que non ser o primeiro