As estudantes perante o peche de institutos e o traslado de varias ensinanzas
No dia de onte, terza-feira 4 de xullo, facíase publico no DOG o novo decreto do goberno da Xunta, máis un ataque do goberno do PP ao noso sistema educativo xa máis que maltratado tanto polo goberno galego como polo central.
Desta vez, a Consellería de Educación, de forma totalmente unilateral e sen contar con a comunidade educativa afectada decide pechar o CEIP Emilio Navasqüés de Cruceiro de Roo en Outes, así como o CPI Monte Caxado e a suspensión da oferta da ESO no CPI da Ribeira en Porriño. Volvemos ser testemuñas da nefasta xestión por parte da Xunta do sistema educativo, buscando o simple aforro baseado no recorte sistemático e na desmantelación do ensino.
Estas medidas son gravemente prexudiciais para o alumnado o cal en moitos casos mirarase obrigado a ter que desprazarse grandes distancias para acudir aos seus novos centros, así como para o profesorado que descoñece totalmente a situación que terá que afrontar o curso que ven. Desde Erguer Estudantes da Galiza, queremos expresar o noso total rechazo a este tipo de medidas impostas pola Xunta sen a existencia de dialogo algún con a comunidade educativa, as como ofrecerlle ao alumnado destes centros toda a axuda que lles podamos dar.
Aínda non hai comentarios
Por que non ser a primeira